تمنيت الحبيب فأخذت النصيب / الكاتبة : طيب ليش

السلام عليكم اعزائي واحبابي بمنتدى غرام شفت روايه باحد المنتديات وقلت انزلها هنا واتمنى ماتكووون مكرره
وابي اشووف منكم ردووود والبارتات اخليها على راحتكم مثل ماتبووون

<تمـــــنت الحبيب ♥...
فـــأخذت النصيب >
صحت من نومها والبسمه مرسومه ع وجهها بتخرجها من الثانويه ومكافأه والدها لها بلاب توب ..
"منال" دلوعة أمها وأبوها لأنها الوحيده من البنات عمرها 18
كانت بيضاء البشره وعيونها واسعه وشفايفها ورديه وشعرها أسود وناعم يوصل لحد خصرها
وزنها54 وطولها 156
وعندها ثلاث أخوان
محمد عمره 23سنه رايح آخر سنه بالجامعه تخصص رياضيات
ناصر عمره 16سنه في أول ثانوي
محمود 5سنوات وهو القعده
"أول ماصحت منال أخذت شور ع السريع ولبست بجامه حمراء برزت بياضها
ونزلت تحت للصاله ..
منال : ميــــــري ... مـــيررري
ميري :نعـــم مــاما ..
منال :وصمخ سنه وأنا أنادي أنتي ماتسمعين ..
ميري : .......
منال : روحي جهزي لي الفطور بســـرررعه ولاتنسين الحليب والبيض المسلوق ...
ميري : أوكي ماما
" أنجضعت ع الكنبه عشان تتصل ع صديقتها هيفاء "
منال : ألـــو ..ألو
هيفاء "وبصوت كله نوم": يـــالله صباح خير ع المزعجه
خير وش تبين ..!
منال : أي صباح خير وآلحين بيأذن الظهر

وبعدين هين ياهيفوه آلحين صرت أنا مزعجه
لاكن أوريك ماراح أقولك الخبر الحلو اللي عندي
هيفاء"نطت ع طوول" : لايكون بتخطبيني لأخوك محمد
"هيفاء تحب محمد وحاولت أكثر من مره أنها تتصل فيه بدون مايدري أنها صديقة أخته لاكن محمد مو معبرها لأنه يحب بنت عمه"
منال بالسوري : لاياألبي ماحزرتي ..
هيفاء : لاحول ولاقوة إلا بالله بتتكلمين وإلا شلون ..؟
منال : خلاص لاتعصبين
بابي أشترالي لاب توب ..
هيفاء "بصراخ" : آخيييرا ياخطيره يعني الليله نسهر ع المسنجر
منال :أي مسنجر وأنا ماعندي إيميل .. حتى ماعرف أسوي الأيميل ..
هيفاء : خلاص ولايهمك بقول لعمي ماجد يسويلك إيميل
<ماجد عمره 22 تخصصه حاسب آلي >
منال : مشكوره وماتقصرين
ويالله عاد ضفي وجهك أبي أفطر
هيفاء : لا والله خوش شكر يالله بكون أرقى منك ولاأعاملك بنفس أسلوبك وبقولك بالعافيه
منال "وهي تضحك" : تكـــفين ياأم الأسلوب
بــــــااااي
هيفاء : بـــايات
"على ماصكت منال التلفون وقعده تفطر دخل محمد"
محمد : صباح الخير
منال : صباح النور والسرور لأحلى حمود بالدنيا
حياك أفطر معاي ...
محمد "وهو مستغرب" : عاد أحلى حمود مره وحده ... أكيد ماهي لله وراه شي هالكلام الحلو
منال : المشكله أنك فاهمني ..
محمد : بلا هالمقدمات اللي مالها داعي وقولي وش تبين ..!!
منال : بغيتك توديني السوق؟؟
فجأه دخل ناصر عليهم الصاله : لا حمود لاتوديها خلنا نذلها شوي عشان تعرف قيمتنا موتستقوي إذا شافت أبوي
منال : أنت وش دخلك .. صج هادم اللذات .. هااااه محمد شقلت ..!!
محمد يطالع لناصر وناصر يغمزله : أمممم .. بكيف نويصر إذا وافق وديتك وإذا ماوافق مو مشكلتي ..
ناصر : شوفي منول لاتحاولين معاي ماراح أوافق أنه يوديك مافي روحه يعني مافيه روحه وهذا آخر كلام عندي .. هههههاااي صج أني شخصيه
منال : هه أصلا من قال أني بأخذ برايك وإلا بعبرك وخل يجي بابي وهو يعرف
شغله معاكم أنتوا الأثنين " وهي ترمي الوساده بوجه ناصر وتطلع غرفتها "
محمد : هههههههه .. وجهن يستاهل يانويصر تعيش وتاكل غيرها
ناصر "برد وجهه من الفشيله" وقام يتكلم بصيغه طفوليه: أصلا ماتعور .. والله ماتعور
محمد " شخصيته حبوب ومرح ورومانسي ومايحب يزعل أحد " : ناصر والله حرام
اللي سويناه فيها ماتستاهل وبعدين ماسألناها وش تبي من السوق يمكن تبي شي
ضرووري .. بروح لها !!
ناصر "وهو يمد الكلينكس لمحمد " : خلاص لاتبكي ياحبيبي روح لها
محمد وهو صاعد الدرج : الحمد لله والشكر صج أنك رجه
"وصل محمد عند غرفة منال ويطق الباب "
منال :خيير .. نعم .. منو !!
محمد "وهو يفتح الباب " : ول .. ول لهدرجه معصبه
منال "تلف وجهها للجدار وتسكت" :........
محمد "وهو يلف وجهها لوجه " :خلاص منول كنت أمزح معاك ..
منال : يعني أفهم من كلامك أنك بتوديني ؟؟
محمد "وهو يأشر ع عيونه" :من عيوني كم أخت عندي .. قولي أي سوق تبين ..!؟
منال : ماأدري أي سوق لأني بشتري لفرح بنت عمي هديه بكره حفلة نجاحها ..
<محمد فـــز قلبه أول ماسمع بأسم فرح >
: ولايهمك بوديك لأحلى سوق بالشرقيه يالله اجهزي وأنا أنتظرك بالسياره
< فرح بنت عم محمد عمرها 19سنه رايحه ثاني جامعه تخصص إنجليزي ...
كانت رشيقه وزنها51 وطولها152وشعرها كستنائي وعيونها جذابه وبشرتها حنطيه
فاتح ماعندها إلا أخو وهو فهد وهو بعمر ناصر وأبوها متوفي وعايشين عند أمهم
...>
<<راح محمد ينتظر منال بالسياره وقعد يفكر بفرح ويكلم نفسه آآآه
يافروحه سرقتي قلبي بس من نظره وماشفتها من سنتين تقريبا يوم وفاة عمي أغمى
عليها ونقلتها للمستشفى والله وكبرتي يافرح ..وللحين مافهمتي نظراتي لك
وأهتمامي فيك ماحسيتي أني أحبك .. خلاص ماني قادر أتحمل لازم أعرف شعورها
أتجاهي بس شلون أخذ رقمها مافي إلا منال عندها رقمها ..>
وقطع حبل أفكاره صوت منال وهي تقوله :آسفه تأخرت عليك
محمد بالسوري : ولو شو هالحكي ...
محمد ...منال : ههههههه

"في بيت هيفاء "
هيفاء : مجود بطلبك طلب صغيرون .. ممكن ؟
ماجد"يجر هيفاء من أذنها" : أولا قولي عمي ماجد مو مجود كني أصغر عيالك وبعدين أطلبي ..!
هيفاء :أأأيي أتركني عورت أذني ياعمي ماجد ..هاه وش تبي بعد... ؟
ماجد "ترك أذنها" وهو يقول : أحم بنات مايمشن إلا بالعين الحمراء ..بسرعه قولي وش تبين ؟؟
هيفاء :بغيتك تسوي إيميل لصديقتي منال ..
ماجد : بس كذا خلاص ولايهمك الليله بسويلها إيميل ترى موعشانك بس عشان أخوي
موصيني عليك ماأردلك طلب .. (أبو هيفاء رايح دوره عسكريه للجنوب وأمها معه
وتركوا هيفاء عشان أمور التسجيل )
هيفاء "نطت وباست ماجد " :الله لايحرمني منك بدق ع منول أبلغها
(هيفاء جوالها خربان مايكلم إلا ع السبيكر ومن ذكائها بتكلم منال عند عمها عاد أنتو تعرفون البنات ورجتهن مع بعض )
هيفاء تدق عليها وماترد
وردت دقت ثاني مره
منال : ألو
هيفاء :وش فيك طاقه ثقل ماتردين من أول أتصال ..
منال : بسم الله وش فيك أكلتيني بلسانك ،، أصلا توني جايه من السوق وأول مادقيتي توني مادخلت البيت فهمتي
هيفاء : هذا مو موضوعنا .. أنا داقه أببشرك ..
منال : السالفه فيها بشاره بســـرررعه تكلمي !
هيفاء : ماجد بيسويلك أيميل الليله
منال "باللهجه السوريه" : يأبر ألبي هالمجود شو حلو
<سمعها ماجد فقالها وهو يضحك : وأنتي أحلى
هيفاء "وهي تطق ماجد ع كتفه " : منول .. ألووو ..منال
::طووط .. طووط ..طووط

منال قفلت الخط ورمت جوالها ع السرير ..وصدى كلمة ماجد يتردد في أذنها تبسمت وأخذت الهدايا اللي شرتهم لفرح عشان تشوفها لأمها
دخلت منال الصاله وهي ماسكه الهدايا وكانوا الكل جالسين
منال : السلام عليكم "وباست رأس أمها وأبوها وجلست "
ناصر : ياربي منك يامنول دايم تحرجيني بطيبتك ماله داعي كل هالهدايا وحده تكفي ..
محمد "وهو يضحك": إلـــعن أبو النقزه ياشيخ
منال : لوتموت ماتشوف مني هديه هذولي حق فرح بوريهم أمي
"محمد من سمع أسم فرح حس بشوووق لها وتمنى أنه يسمع صوتها .. فسأل منال " منال :غريبه جوالك مهو بيدك !؟
"لأن منال بالعاده دايم جوالها معها "
منال "وهي رافعه حاجبها" : يعني ماتشوف هالهدايا بيدي ماقدرت أشيله وتركته ع السرير
محمد :طيب أستأذنكم بروح أنام ..
أم محمد"بتعجب" : تنااام آلحين ترى الساعه ماصارت عشر
محمد : لا حاس أني مصدع والبارح مانمت زين
أبو محمد : تعشى معنا بعدين نام
محمد : لامو مشتهي قبل شوي ماكل ساندويتش
"صعد محمد الدرج وع طول راح غرفة منال وفتح جوالها ع الأسماء وقعد يدور رقم فرح ولقى الرقم وسجله بجواله وطلع بسرررعه لغرفته "
دخل غرفته .. وقعد يتمشى بلا هدف يروح ويرد لنفس المكان وهو يطالع لرقم فرح ويكلم نفسه ياترى لو أتصلت عليها بتعبرني ..!
يـــوووه بس أخاف أنها تردني ذيك الساعه ألوم نفسي إني أستعجلت وأتصلت عليها...
محمد "أنجضع ع السرير وماسك رأسه" : آآآه رأسي بينفجر من التفكير .. معقوله يافرح ماتحسين بحبي ..
ياربي والله تعبت .. برسلها رساله وشوف ردها
<< ألف مـــبروووك النجاح ياغلااااايه >>
أنتبهت فرح لصوت المسج بجوالها فتحت الرساله وقرتها "وبتعجب " : ياغلايه
من هذي! وبعدين كل صديقاتي باركولي بالنجاح وبعدين مو أسلوب صديقاتي
طيب أنا ليش متعبه نفسي برسل لنفس الرقم وأشوف < ممكن أعرف من المرسل >
محمد جالس ع أعصابه ويطالع لجواله ينتظر الرد
وثواني ودق جواله مسج
ويفز محمد نفس الملسوع ويقرأ الرساله بصوت عالي : أوكي يافروحه ممكن !!
وأرسلها مسج
<أنا واحد يحبك يافرح ومن قرايبك وأسمي يبدأ بحرف الميم وأنتي لو ملاحظه
نظراتي وحاسه فيني كان عرفتيني .. إذا عرفتيني ردي لي خبر >
وصل المسج لفرح وبســــــرررعه فتحته ..
وقرت الرساله وقعدت تفكر
يحبني وأسمه يبدأ بحرف الميم ... مافيه غيره محمد ولد عمي لأنه هو اللي كان
مهتم فيني وآخر مره يوم كنت عندهم أرسلي مع منال قطعة قاتوه ع شكل قلب
آآه يامحمد وربي كنت حاسه أنك تحبني بس خفت أوهم نفسي وأكتشف أنك ماتحبني
"فرح وهي تدور وحاضنه جوالها " يـــااااي صج الدنيا حلوه محمد يحبني
وفجأه وقفت وأنا ليش مستانسه وتوني ماتأكدت هل هو محمد وإلاغيره
وأرسلت له
< أتوقع أنك محمد ولد عمي
صح وإلا أنا غلطانه ... تكفى رد بسرعه >
ومحمد طار من الفرحه لما حس بلهفة فرح على رده
< أي والله أنا محمد
أقدر أتصل عليك إذا موافقه عطيني دقه ... "محمد يقلد أسلوبها "تكفين ردي بسرعه هههه>
فرح أول ماقرت الرساله وعرفت أنه محمد قعدت تناقز .. وبعد دقايق "مرة ع محمد كنها ساعات "
فرح عطته دقه ....
محمد ماصدق خبر وعلى طـــووول دق رقمها ...
محمد : ألوو
فرح "بصوت ناعم ": ألو
محمد : شخبارك يابنت العم ..!
فرح : بخير ولله الحمد
أنت شخبارك ؟!
محمد : أنا بخير مادامك أنتي بخير ..
فرح "تحاول تخفي إحراجها من كلامه " : تسلم .. بس ودي أعرف من وين خذيت رقمي ..!!
محمد : خذيته من جوال منال
ليش لايكون ضايقتك بأتصالي ..!!
فرح : لا محمد بالعكس أتص... "وسكتت وماكملت جملتها من الأحراج "
محمد : بالعكس شنو كملي تكفين
فرح "أبو الأحراج ياشيخ ": أتوقع أنك فهمت فماله داعي أكمل وبعدين طلعت عفويه
محمد : وهذا اللي خلاني أستانس بما أنها عفويه يعني من قلبك
فرح : محمد وبعدين .. على ماأظن كلامك بالرساله يكفي
محمد " وهو يضحك " : أصلا اللي كتبته بالرساله قطره من بحر حبك بقلبي ..
فرح " تحاول تتهرب من كلام محمد اللي ذوبها " : حمود أمي تناديني .. مع السلامه
محمد : لحظه .. شقلتي عيدي حمود ياحـــلو هالدلع
فرح : خلاص قلت مع السلامه
محمد : مع السلامه
< محمد أنسدح ع السرير وقعد يفكر بفرح وقطع حبل أفكاره صوت جواله >
محمد وبعدين مع هالرقم بصراحه قمه بالأزعاج
محمد "بعصبيه": ألو ..نعم
البنت : خير حياتي شفيك معصب شكلك طفشان!
محمد : لاني شايف رقمك أكيد أبطفش أنتي تطفشين حمار بكبره
البنت "بصوت مخنوق " : الله يسامحك
محمد "كسرت خاطره فحاول يلطف فيها": يابنت الناس وش تبين مني تراني شيفه أخرررع لو تشوفيني ماتنامين سنه كامله
البنت : أكذب على غيري أنت وسيم مررره وعيونك تخبل وأنا شفتك وحبيتك
محمد : بس أنا أحب بنت عمي وناوي أتزوجها يعني أقطعي الأمل فيني
<سكرت هيفاء من محمد وقعدت تبكي .. ياربي ليش الأنسان اللي حبيته بصدق
يحب غيري وربي أحبك يامحمد ... وسكتت هيفاء لماسمعت باب غرفتها يطق
هيفاء "وهي تمسح دموعها "
: تفضل
ماجد : هيفوه هذا الأيميل اللي طلبتيه
"ولما لفت هيفاء عشان تأخذه لاحظ ماجد أنها باكيه" ماجد "وهو يرفع رأسها ": هيوفه ليش تبكين ..!
هيفاء : لامافيني شي بس صديقتي تعبانه
ماجد "بخوف" : لا يكون منال ..!!
هيفاء "وهي تضحك " : لا مو منال تطمن..شكله بيصير حب من أول كلمه ..

بارك الله فيك على الموضوع القيم والمميز

وفي انتظار جديدك الأروع والمميز

لك مني أجمل التحيات

وكل التوفيق لك يا رب