: انت عايز ايه باظبط؟؟؟؟؟؟

لو فكرنا بعمق شويه هنلاقى ان تقريبا كلنا بنسعى خلف هدف واحد مستتر و بنحاول نوصل ليه بكافه السبل و الطرق
و هو (( الرضا عن النفس ))
يعنى لو انت سألت نفسك ايه هدفك فى الحياه و ليكون مثلا الوصول لمرتبه اجتماعيه و ماديه معينه
هتلاقى ان الهدف المستتر ورا الهدف الظاهر ده
انك عايز توصل لمرحله و لدرجه عاليه من الرضا عن النفس
و فى رأيي الشخصى بما ان الانسان (( مايملاش عينه الا التراب )) فهو هيفضل فى حالة سعى مستمر
حتى نهايه حياته
لانه بيبقى عايز يوصل لـ 100% من الرضا عن النفس و اللى فى الحقيقه صعب جدا انه يوصلها
تعالو نشوف الناس اللى وصلو لمرحله تسمى مرحلة " الأمان " و بيعتبها كثير من علماء الننفس
من اخطر المراحل النفسيه اللى ممكن الانسان يمر بيها
لــــيــــه..؟؟
لانه بيكون وصل لمرحله من (( من وجهة نظره )) انه حقق كل احلامه و كل اهدافه
مستوى مادى معين و حققه
مستوى علمى معين و برضو حققه و مستوى اجتماعى معين و برضه حققه ... و هكذا
الانسان اللى بيوصل للمرحله دى يصيبه الملل
يعنى وصل لمرحله الرضا الكامل عن نفسه
و بعدين تلاقيه بيسأل نفسه,,,,,هو انا عايش ليه هو انا لزمتى ايه ؟؟
و طبعا الملل يولد الحزن ثم الاكتئاب و اللى ممكن يوصل للانتحار ساعات
و ده اللى بيحصل فى بعض الدول المتقدمه و اللى شعبها مرفه جدا
اذا نقدر نستنتج من كده ان " جمال الحياة " يكمن فى الطريق اللى بيمشيه الانساان عشان يوصل لهدف اساسى و هو الرضا عن النفس
و الطريق اللى بيمشيه الانسان ده برضو هو سر سعادته


الخـــلاصـــــه
==========

" السعادة طريق يسلكه الانسان للوصول لهدف أساسى و هو الرضا ع النفس "



ويبقي الامل موجود